O curso dividirase en 5 clases. A frecuencia das mesmas será semanal.

​

Cada unha de elas terá unha duración aproximada de unha hora. A duración sempre pode depender de como se desenvolva a sesión: segundo as dúbidas que xurdan; se hai unha, dúas ou tres persoas na clase; etc. 

​

A estrutura, moi resumida, de cada sesión sería a seguinte:

​

1. Aspectos básicos do estudo. A motivación. A concentración. A lectura. Explicarase en que consisten eses conceptos e como se pode axudar a melloralos.

2. O método (1): 

   • Exploración da materia a estudar

   • Lectura (distintos modos)

   • Subliñado (tipos e como facelo)

3. O método (2):

   • ​Esquemas (en que consisten, tipos e como elaboralos)

   • Resumo (en que consisten, tipos e como elaboralos)

4. O método (3):

   • O recordo  (os repasos)

   • Planificación do estudo

5. O método (4):

   • A memoria (axudas á memoria, técnicas para mellorar aspectos da mesma)

   • O exame (recomendacións para antes e durante)

 

No tempo da clase faranse exercicios para entender e practicar o explicado e ir collendo soltura. Tamén se recomenda exercitarse na casa (de aí o tempo entre clase e clase).

​

O material necesario que deben traer as persoas que asistan será básico: libreta e bolígrafo; aquí proporcionaremos tamén algún material fotocopiado de apoio.

​

O prezo do curso é de 50€, se queredes inscribirvos mandádeme un correo electrónico e dareivos o nº de conta donde ingresar e o concepto que debedes poñer.

​

As clases poderán ser de xeito individual ou en grupos de ata tres persoas. Para organizar grupos e horarios haberá que ter en conta o curso que se está a facer en este momento para facelos o máis parellos posible.

​

No Centro  de psicoloxía Claves temos en conta as medidas necesarias anti-covid: máscara obrigatoria, lavado de mans ao entrar e saír, aforo limitado (só tres persoas no aula como máximo aparte de min) e distancia axeitada, ventilación e desinfección do local.