Terapia breve

A terapia breve pretende axudar a resolver os problemas ou dificultades das persoas no mínimo tempo posible pero usando as sesións necesarias para poder facelo de forma axeitada. Isto pode facerse nun máximo de 10 sesións (habitualmente son menos) repartidas  1 cada 15 días ao comezo, para logo ampliar ese período segundo vai  mellorando a situación.

A terapia breve, pode axudar a calquera persoa con calquera dificultade, non é necesario estar en situacións psicolóxicas extremas para acudir a un profesional da psicoloxía.
Paciente femenino
No centro de psicoloxía Claves atendemos diversas facetas da vida das persoas:
  • Problemas e dificultades do estado de ánimo (ansiedade, nervios, estrés, depresión…)
  • Dificultades e problemas nas relacións con outras persoas (familiares, parella, traballo, amizades…)
  • Problemas de sono, medos, fobias…
  • Dificultades para acostumarse a situacións novas (separacións, enfermidades, cambios importantes na vida cotiá…)
  • Adiccións de diversos tipos
O único necesario para acudir a un psicólogo ou psicóloga é estar a pasar por unha situación perturbadora ou molesta que nos impida levar a nosa vida como quereríamos e que interfira nela o suficiente para causarnos malestar ou preocupación.
Tampouco é imprescindible que nós “teñamos o problema”, pode ser que as actitudes de outra persoa nos afecten, directa ou indirectamente; sempre se pode facer algo para que a situación mellore.

Atendemos a persoas de forma individual, a parellas e a familias; a adolescentes e a adultos.
Asímesmo ofertamos atención domiciliaria e terapia on-line (consultar tarifas e condicións)